أخــاف أوادع وقتــي اللي معـــــك دام
وأنــدم على شــي هدمتـه بيـدينــــي
زود الهموم اللي علي تكفي عن إعدام
هذي حياتي تنتهي وأنتي ترينــــــــي
حالي هزل والجسم ما تقواه الأقدام
واللي خفيته من أسى بين في عيـني
ما ذقت من حبك سوى هجــرٍ وآلام
صابر وأقول إن كان به زود عطينــــــــــي
صدق العطا وحظي معك طاح ما قـام
درب الهنا في دنيتي وينــــــــه و وينــي
عن صدق إحساسك ترى مانيب علام
يا عمري خلي قلبك القاسي يلينـــــي
ودي انتهي بعمري معك مجنون بسقام
أهون علي من فرقتك يانـــــــــور عينــي
وإن مت يأهـــلي لأجلها مانيب منـلام
ذي قسمتي عيني ترى رسم بجبينـي
موضوع: اخاف اوادع 
الجمعة 26 سبتمبر - 3:37:35
