لاجيت ابنسى وأتراجع وأسامحك
صاحن جروحي واشتكن لي طعونـك
كلك خيانةقول .. وشلـون أبمنحك
وش موقفك من شخص دايم يخونك !!
اكبرخطا.. لو جيت يمـك أصالحك
أول تحـوّل .. لاتـغـرّك إلحـونـك
اللي تقوله صح .. لو كنـت جارحـك
(مير) أنت غارق للأسف في ظنونـك
وصفك نسيته بس .. باقي ملامحـك
بنهيـك وانهـي بالنهاية جنـونـك
ماتستحـق أمد (كفـي) وأصافحك
مثلك غلط عمري وابحيـا .. بدونـك
لعبـت دورك شاهـداتٍ مسـارحـك
خدعتنـي وأظهرت خافـي فنونـك
كنت اعتقد .. قلبي هو ابرز مطامحك
اللي يبيـع النـاس لجلـه يصونـك
تعبت أسوق الشوق يمك وأصارحك
أخلصت لك بالحب .. شوفت عيونـك
لكن خسارة صرت غايـة مصالحـك
ياليتنـي ماجيـت .. لحظـه بكونـك
بالأمس كنت بنشوة الحب .. أمازحك
أخيل برقـك وأتحرى امـزونـك
واليوم من صفحة حياتي .. أبمسحك
هديت صرحـك ثـم طاحـت ركونـك
ولابي عيوني لـو تصـورت تلمحـك
أعلنت موتك .. وانسجن لي كفونـك
وان جيت تطلب .. ترتجيني أسامحك
بهديك طعنه .. مـن بقايـاطعونـك
موضوع: $$ طعـــــــنه حب $$ 
الخميس 9 أكتوبر - 19:51:47
